ಬೀಜಿಂಗ್, ಫೆ.25: ಚೀನಾದ ವಿಜ್ಞಾನಿಗಳ ತಂಡವು ಬಾವಲಿಗಳಲ್ಲಿ ಕಂಡುಬರುವ ಹೊಸ ವೈರಾಣುವನ್ನು ಪತ್ತೆಹಚ್ಚಿದೆ. ಕೋವಿಡ್ 19 ಸಾಂಕ್ರಾಮಿಕಕ್ಕೆ ಕಾರಣವಾಗಿದ್ದ ವೈರಾಣುವಿನಂತೆಯೇ ಇರುವ ಈ ಕೊರೊನಾ ವೈರಸ್, ಪ್ರಾಣಿಯಿಂದ ಮನುಷ್ಯರಿಗೆ ಹರಡುವ ಅಪಾಯವಿದೆ ಎಂದು ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್ ವರದಿ ಮಾಡಿದೆ.
ವುಹಾನ್ ಇನ್‌ಸ್ಟಿಟ್ಯೂಟ್ ಆಫ್ ವೈರಾಲಜಿ (ಡಬ್ಲ್ಯುಐವಿ) ಪ್ರಯೋಗಾಲಯದ ಷಿ ಝಂಗ್‌ಲಿ ನೇತೃತ್ವದ ತಂಡವು ನಡೆಸಿದ ಅಧ್ಯಯನದಲ್ಲಿ ಈ ವೈರಾಣು ಪತ್ತೆಯಾಗಿದೆ.
ಇದೀಗ ಪತ್ತೆಯಾಗಿರುವ ಎಚ್‌ಕೆಯು5-ಕೊರೊನಾ ವೈರಸ್-2′, ಕೊರೊನಾ ವೈರಸ್ನ ಹೊಸ ತಳಿಯಾಗಿದ್ದು ಹಾಂಕಾಂಗ್‌ನಲ್ಲಿರುವ ‘ಜಪಾನೀಸ್ ಪಿಪಿಸ್ಟೈಲ್’ ಬಾವಲಿಯಲ್ಲಿ ಮೊದಲು ಗುರುತಿಸಲಾಗಿದೆ.
